كيف تتفادى عيوب مشروعك قبل أن تبدأه؟؟ - الخطوات!!! هام جدا ج
ايمن الشهاوى
مشترك منذ 10-1-2012
مواضيع ايمن الشهاوى
ردود ايمن الشهاوى
[b]كيف تتفادى عيوب مشروعك قبل أن تبدأه؟؟ - الخطوات!!! هام جدا جداً[/b]




السلام عليكم ورحمة الله

كتيررررررررررر جداً من أصحاب المشروعات الصغيرة وغيرها يذهبوا لعمل المنتج ثم يبحثون عن العميل لشراء منتجهم وهذا مما لا شك فيه أنهم سيقابلون من يرتضي به وقد يقابلون من يرفضه ثم يبدئوا في تحسينه ليتوافق مع الأغلبية - وهذا خطأ!!!
الخطوات دي بالبحث دة قبل أي شيء أهم حاجة قبل ما تصنع أي حاجة

دة في حالة لو هتعمل مشروع كبير أو حتى صغير لكن الموضوع لا يخص المشروعات المنزلية إلا لو ستكون بكميات كبيرة


مش هقولك مصطلحات تسويقية ولازم تعمل بحث تسويقي ودراسة سوق ووو لكن هقولك إنت هتبيع لناس لازم تنزل بنفسك وتسأل الناس دي ناقصها ايه في المنتجات الموجودة الشبيهة بالمنتج اللي هتعمله؟؟
مشروعات كتيرة بعد ما صرف أصحابها آلاف خسرت لكن هل مفيش أسباب!!! لا طبعاً فيه أسباب
والسبب الرئيسي إنه لم يذهب لفهم الناس اللي هيبع لها منتجه

طب وايه الفايدة؟
الفايدة إنك هتعرف فين تقدر تبيع ايه وتقدر تبيعه إزاي؟
يعني مثلاً لو سألت الناس في منطقة ج مثلاً ولقيت أغلب الإجابات مركزة على السعر القليل حتى لو الجودة معقولة
يبقى إنت عرفت إنك هتسوق في المنطقة ج بسعر قليل وهتنزل منتج هناك جودته معقولة وإعلاناتك في منطقة ج هتركز على السعر المنخفض

سألت تاني في منطقة ص ولقيت إن فيها محلات بتشتري منتجات شبيهة بمنتجك كتيرة لكن شركة المنتج بعيدة وبيضطروا يروحوا مشورا بعيد علشان يجيبوا كمية
يبقى إنت عرفت إن منطقة ص المنافس بتاعك مش موجود فيها مع ارتفاع الاحتياج لمنتجاته يبقى لازم لك مكان هناك وتوفر على الناس دي مشاويرها إلى جانب الأخذ في الاعتبار نظرتهم في منتج منافسك

وتبدأ تقسم السوق اللي إنت هتنزل فيه، يبقى منطقة كذا هنزل فيها بالبضاعة كذا بسعر كذا، والمنطقة كذا عايز أشتري فيها مكان أو أأجر محل فيها أبيع لمحلات هناك الخ - دة مهم جداً جداً جداً

يعني ايه المطلوب؟؟
المطلوب من حضرتك قبل أن تقيم مشروعك تماماً أن تذهب إلى عدد كبير ممن تعرف أنهم يشترون المنتجات الشبيهة بالمنتج الذي ستصنعه
وتسألهم الأسئلة التالية، مثلاً إذا كنت تريد تصنيع منتجات تجميل:
اختر مدينة معينة من مدن الدول التي تقطن بها ثم توجه بالأسئلة التالية إلى عدد من العملاء (يمكنك أن تذهب إلى سوق منتجات تجميل أو مجموعة محلات جنب بعضها لمنتجات التجميل واسأل العملاء الذي يتراوجون هناك) - بإختصار اذهب إلى المكان حيث تجدهم:

أسئلة تخص منتجك
هل تشتري منتجات التجميل؟ أي ماركات؟
كم مرة تتردد على محل منتجات التجميل في الشهر؟
قيم خدمة الشركات المقدمة لمنتجات التجميل التي تشتريها من 1 إلى 5؟
ما المنتجات التي تتمنى أن نقدمها لك في منتجاتنا للتجميل؟
وما هي الخدمات المرافقة التي تريد أن نقدمها لك؟
من في رأيك منافسنا؟
هل تعامل مع منتجات تجميل شركة أخرى خلال السنوات الثلاثة الأخيرة؟
ما الذي يهمك بالدرجة الأولى في منتجات التجميل؟
هل الأسعار المطروحة مرتفعة بالنسبة لك أم معقولة أم منخفضة؟
هل مكاننا في موقع كذا مناسب بالنسبة لك أم غير مناسب؟


أسئلة تخص قنوات تسويقك
ما المحطة الإذاعية التي تستمع إليها؟
ما برامج التليفزيون التي تشاهدها؟
أية مجلات تقرأها؟
اذكر اسم لافتة إعلان تتذكرها موجودة حالياً (صاحب الإعلان أو المكان الموجودة به اللافتة).
أين تتوقع أن نقوم بالإعلانات الخاصة بنا؟

أسئلة لتقسيم السوق إلى مناطق وكل منطقة إلى فئات من الناس بإحتياجات معينة من منتجك
نوع المتسائل؟ وعمره؟
مهنته؟
إجمالي دخله
الحالة الاجتماعية؟
عدد أفراد أسرته؟
المنطقة التي يعيش فيها والتي يعمل بها؟
أي تعليقات إضافية

وبعدها اذهب إلى "خبراء" في التجميل أو ممن أقاموا دراسات فيها واسمع منهم عن مميزات المنتجات التي يستخدموها ولماذا؟ ومراحل تطوير كل واحد ومخاطر بعض المنتجات وتقيييمه لكل المنتجات الموجودة من حيث الجودة وجودة خدمة شركتها وجودة سعرها

كدة حضرتك سألت مجموعة من العملاء المستهلكين سواء من الناس البسيطة (وهي الفئة الأكبر في الشراء عادة) أو من خبراء المنتجات (وهي الفئة الأصغر ولكن الأكثر دراية بسوق تلك المنتجات لأن عملهم يعتمد عليها)

الدراسة البسيطة دي هتخليك تقرب أكتر لعيوب المنتجات الموجودة وتتفاداها في منتجك وتخليك تقرب أكتر لتفكير العميل والأسلوب اللي يناسبه أكتر فتستخدمه في إعلانك يعني مثلاً لو لاحظت إن أكتر الناس قالت أهم حاجة السعر يبقى إعلانك هيركز على سعرك المنخفض لو قالوا إن أهم حاجة جودة المنتج وبعدين السعر يبقى إعلانك هيركز على جودة منتجك وبعدين السعر وهكذا

بإختصار لازم تفهم دماغ الناس اللي هتبيع لها

وبعدها أبدأ في دراسة المنافس لي في سوق منتجات التجميل
اعرف إن اللي هينافسك هينافسك في حاجة من الأربعة أو الأربعة
جودة المنتج
سعر معقول
جودة خدمات الشركة (خدمة العملاء مثلاً، وخدمة التوصيل للمنازل مثلاً إلخ)
واستراتيجيته في الدعاية والإعلانات (يعني بيجذب الناس بإيه لمنتجه؟)

اعرف المنافسين من خلال إجابة الناس اللي هتسألها واعمل نفسك واحد عايز يشتري منتجات تجميل وشوف هيتعاملوا معاك ازاي بداية من قسم المبيعات حتى البيع وكدة هتعرف إيه دخلاتهم للناس وتقدر تتوقع بيعملوا ايه لو نزلت منتجك للسوق.

يتوقف نجاحك على التكهن بأفعال واتخاذ رد الفعل المناسب سواء من منافسيك أو من العملاء

نشر بتاريخ 15-1-2012

جميع الحقوق محفوظة تجارة