تجربة التحميل واصابة طفيفه
محمد ابو ياسين
مشترك منذ 10-1-2012
مواضيع محمد ابو ياسين
ردود محمد ابو ياسين

تجربة التحميل واصابة طفيفه




السلام عليكم ورحمة الله وبركاته
الحمد لله ياجماعه ان الاصابة جت بسيطه
وكل ده علشان خاطر عيونكم
طيب ابتدى الاول اقولكم اللى بيحصل فيها
انا لازم اخد الحمل مره ونص حمل التشغيل للخازوق
مثلا لو الحمل التشغيلى للخازوق 50 طن يكون التحميل 75 طن
طيب الجهاز اللى هو زى المضخه اللى بينزل الحمل على القاعده اللى فوق الخازوق
بيكون بالبار مش بالطن
المهم علشان اتاكد من انه حمل اللكميه فى شكاير وبتكون غالبا رمل
بعمل ايه بشوف الطول * العرض * الارتفاع كده = الحجم
ومن المعروف ان الكثافه =الوزن / الحجم
يبقى الوزن = الكثافه للرمل 1.7*الحجم
كده تقريبا بحدد الوزن
طيب بيحمل الحمل على كمرات عرضيه وطوليه ولو مقاول طيب وابن حلال هيعمل قواعد تشيل الكلام ده كله لكن انا المقاول كان طيب جدا طبعا فعمل اللى هتشوفوه فى الصور
وهتشوفوا انا دخلت من جحر الفار وضحيت بحياتى علشان التجربه وكل ده لانه طبعا كان عامل فتحه كبيره علشان كان عايز يخلينى اشوف التجربه
وناخد القراءات 24 ساعه متواصله الاربع اركان كل واحد فيهم عليه مؤشر زى الساعه الكبير بيتقرا مع عقارب الساعه والصغير عكس العقارب



نشر بتاريخ 31-1-2012

جميع الحقوق محفوظة تجارة